الرئيسية » رصد » في بعلبك الهرمل … “دوائر النفوس” زرايب يا معالي الوزير !

في بعلبك الهرمل … “دوائر النفوس” زرايب يا معالي الوزير !

كتبت هبة علام على صفحتها فيسبوك : عزيزي #نهاد_المشنوق وبتمنى الكلام يوصلو… انت عايش بالبلد او كيف؟… معاليك طالع شي مرة على الدوائر اللي تابعة لوزارتك بمنطقة #بعلبك_الهرمل (دوائر النفوس) حدا مخبرك عن اوضاعها شي ؟ انا لح خبرك

معاليك هيدي الدوائر اللي هي اهم دوائر بالدولة والناس بحاجتها دائما وبتتردد عليها يوميا بالمئات اقل ما يقال عنها زرايب حرام تفوت حيوان عليها … دائرة مثلا تابعة الها فوق ٢٥ ضيعة يعني عشرات آلاف المواطنين بتكون عبارة عن غرفة بخربة فيها موظفين اثنين بس مكاتبها مصداية الدفاتر يمكن بعد سنة تهر وتروح بيانات الناس قد ما مهترية؟ هالشي مش طبيعي هالشي مقرف ومقزز.. كانوا لوحات السيارات اهم ولا انك تحسن بهالدوائر وتزيد عدد موظفين وفتح فرص عمل اهم ؟؟؟

آه عفوا معاليك ما انتوا #بعلبك_الهرمل شايلينا عن الخريطة وهي ما وقفت بس ع هيك ليش بس ببيروت بدو ينعمل مكننة ومكاتب عليها القيمة وعنا انسا يا فوفي؟


معاليك الحق مش عليك بس ولا بس على نواب المنطقة اللي ما بيستاهلوا شرف اسم لوايحهم … الحق على اهل المنطقة اللي جابوهن وظلوا ينتخبوهن سنين
#الحق_عللي_طلعن_عالميدنة