الرئيسية » أخبار مهمة » والد شهيدة الرصاص المتفلت رؤى مظلوم : مين بدو يقطف الوردة ويقلي حلوة ريحتها يا بابا ما هيك !

والد شهيدة الرصاص المتفلت رؤى مظلوم : مين بدو يقطف الوردة ويقلي حلوة ريحتها يا بابا ما هيك !

كتب حسين مظلوم والد الطفلة الشهيدة إبنة الأربع سنوات التي قضت برصاص طائش كلمات مؤثرة لنعي إبنته المغدورة التي توفيت مظلومة بدولتها وحكامها ومسؤوليها ومنظماتها.

4 ايام مضت كأنها 40 سنة كنتي تحبي تقعدي على الكرسي الأبيض لأن قلبك كان ناصع البياض 
كنتي يا ابي تجلسين جانبي وتقطفين الوردة الجورية ذات اللون الأبيض (بابا ريحتها حلوة ماهيك)اي يا بابا كتير حلوة
طيب بابا بدي روح عند تيتا جيب بونبونة بس بخبيها لل school اوك لانو اكلت وحد .اخ يا وجعي وياعمري كنت حب اضحك على ضحتك المهضومة بس للأسف يا بابا ما كنتي تعرفي انو في وحوش عنا بيطلقو النار بشكل عشوائي كرمال كلمة صابوك بقلبك وقلتي بابا بابا وبلشتي ترفرفي على الأرض وانكسر قلبي بس ارادتي يا بابا لح تكون اقوى من الرصاص اللي بيفتخرو في لانهم اشبه بالرجال، بطلب شفاعتك يوم القيامة 4 سنين كحلم لانو ما حسيت بشي الا بحنانك رؤى رؤى رؤى اد ما احكي عنك قليل انشالله ربنا لح ياخدلك حقك ونستعين بذكر الله الحكيم انا لله وانا اليه راجعون.