روت جويس نوفل مراسلة قناة OTV قصة مختلفة عن الإشكال اللفظي الذي تحدثت عنه مراسلة الجديد ليال سعد وذكرت فيه انها تعرضت للطرد من القصر الجمهوري اثناء قيامها بواجبها في تغطية نشاط رئيس الجمهورية.
وكتبت على حسابها في فايسبوك ما ننقله بحرفيته:
” مبارح بقصر بعبدا خلص الإجتماع وتبلّغنا إنو في بيان، بتسألني الصحافية بقناة الجديد ليال سعد “عون رح يحكي” جاوبتا الرئيس عون ما رح يحكي إنما أمين عام مجلس الوزرا، الضابط شادي إبراهيم واقف حد المراسلين وبقلّا شو سألتي؟ ردت ليال: عون عون رح يحكي. فجاوبا الضابط بالتالي: بيقولو فخامة الرئيس مش عون… هون علِّت صوتا ليال دغري وردّت مين إنتَ تتعلّمني شو بقول وأنا بحكي شو ما بدي… ضل الضابط مصرّ على وجوب الإحترام وتقول فخامة الرئيس وصوتو هون صار عالي وأكيد هيي كمان. فل الضابط وليال بقيت ناطرة بالقصر تتسمع البيان وتكمّل شغلا. وهيك خلصت هيدي الخبرية هون.
هلق رح إحكي مش كشاهد عيان إنما كشخص بيحترم حالو والناس ومهنتو والمكان يللي فيه.
بعد حوالى ١٠ دقايق أنا واقفة حد مكتب المصورين وليال قاعدة بالممر بجنب غرفة الصحافة(يعني المسافة مش قريبة كتير) وليال عم تحكي ومحتدّة إنو ما بقبل إنحكى هيك وأنا بقول متل ما بدي عون أو غير شي ومين هوي تيحكيني هيك، وكملت وقالت “هوّي ويّاه متل صرمايتي”. سمعتا أنا ودغري قلتلا: ليال شو هالحكي هيدا لو سمحتي هيدا كلام ما بينقال، ردت عليي أنا ما عم بتوجهلك الك وهيدا رأي، فكان جوابي: لا هيدي مش حرية رأي هيدي قلة إحترام وأنا ما بقبل تحكي بهالأسلوب البلا أخلاق، صار معك مشكلة حلّيها ضمن اللياقة والإحترام بس مش هيك، عيب. هون تدخلّو زملاء وطلبو مني إهدأ.
وبعد حوالى الساعة ليال متل كل المراسلين كفّت شغلا وطلعت رسالة مباشرة ورجعت فلّت من قصر بعبدا.
وبالمناسبة رح إسمح لحالي إحكي بلسان كتار من أبناء مهنة الإعلام والصحافة وقول: إذا الحكي بإحترام وأخلاق ولياقة صارو اعتداء لفظي عنيف وتهجم بينما حديث الصرامي هو يللي لازم يحل محل الحكي المهذب…هون منعرف سبب الفساد الإعلامي قبل السياسي وجنون العظمة.
وكتبت مراسلة الجديد ليال سعد رداً على كلام نوفل متهمة إياها بالذكب وعدم المصداقية
May be an image of text
وشاركت مديرة الأخبار في #الجديد مريم البسام في الرد على نوفل وكتبت على حسابها في تويتر:
مش عيب تكوني مراسلة ومراوغة؟ثم انه شو الك علاقة تتدخلي باشكال بقصر بعبدا ؟هل ان مراسلاً لمحطة ال otv العزيرة يصبح متحدثاً رسمياً ينطق بإسم القصر ؟هل تم ترفيعك لمنصب الصحاف تاخدي عمرو واكيد مش رح تعرفيه؟ بدك تروي حقائق “مترورغة”بالدموع انقليها صح مش ع اساس الحقيقة تحرركم؟

مقالات ذات صلة

شاهد أيضاً
إغلاق
زر الذهاب إلى الأعلى