الرئيسية » أخبار مهمة » هذه هي حقيقة إنتشار فيروس “Hantavirus”

هذه هي حقيقة إنتشار فيروس “Hantavirus”

بعد الكلام عن انتشار hantavirus في الصين، أوضح أدهم السيد اللبناني المقيم في مدينة ووهان بمقاطعة هوبي عبر صفحته على موقع فيسبوك ما يلي:

اكثر من الف رسالة تسألني عن hantavirus.

فمن الصبح ما قادر اعمل شي الا رد عالناس. بإختصار ها فيروس قديم، ومش صحيح انو تم تسجيل أول حالة هلق ويا ناس اهلعو. مثلا، بفرنسا بينصاب في سنويا حوالي ال ١٠٠ شخص، والو لقاح، واول مرة اكتشف باميركا الجنوبية.

يا جماعة الخير، اولا، في ملايين الفيروسات الموجودة على الأرض، وبينصاب فيها البشر.

ثانيا، بما انو كلنا بالحجر المنزلي، وعنا وقت، ما بصير علينا شي اذا عملنا بحث صغير لنعرف شو هالشي لي عمنحكي عنو. مش نكون قاعدين ومسنحين وناطرين الصاعقه.

ثالثا، اذا عملنا البحث، بيطلع انو ها فيروس قديم (سبعينات)، ظهر بشكل أساسي بأمريكا الجنوبية، وبكوريا الجنوبية.

رابعا، آلاف الناس حول العالم بينصابو بهالفايروس سنويا، يعني هي مش اول حالة. حتى عنا من لما كنا صغار كانو يحذرونا من الاحتكاك بالجرذان.

خامسا، الفايروس الو لقاح مثل مئات الفيروسات لي الها لقاح، وما بموت في إلا لي ما عارف حالو منصاب.

سادسا،  لذلك، ما بظن في شي نعتل همه، ها مش فايروس جديد، والالاف حول العالم بينصابو في سنويا، وفي لقاح، يعني شي عادي مثل أي فايروس تاني بالعالم، وصيغة الخبر انو “الصين تسجل أول حالة بفيروس جديد…” هي هدفها انو يعيشوكن بقلك، وأعتقد نجحوا لان ما ضل حدا ما حكاني ومهلوع.

ثامنا، ما بعرف اذا عنجد متسجل حالة إصابة بالفيروس بالصين، ولكن حتى لو في اصابة، هذا شي عادي ويوميا بصير في حالات من هالنوع بكل البلدان (فرنسا مثلا يستحب حوالي ال ١٠٠ إصابة سنويا).

تاسعا، وها الاهم، انا تخصصي كورونا كل الفيروسات الثانية ما الي دخلة فيها????(نكته).

ملاحظة: اي معلومة غير دقيقة في النص بكون سببها اني مش متخصص ابدا ابدا.

المصدر : موقع الهديل 

اضف رد

لن يتم نشر البريد الإلكتروني . الحقول المطلوبة مشار لها بـ *

*